फोनवार्ता ट्रान्सलेट गर्ने अनौठो एप्स

भावना कुनै भाषामा सीमित हुँदैन तर भाषा सम्बन्धको दूरीको कारक बनिरहेको छ भने एउटा खुसीको खबर छ। हालै सार्वजनिक भएको  एउटा एप्स भाषाको अनेकताका कारण बढेको दूरी कम गर्न महत्त्वपूर्ण बन्न सक्छ। जापानको सबैभन्दा ठूलो मोबाइल नेटबर्क एनटीटी डो कोमोले सुरु गरेको नयाँ एप्सको माध्यमबाट अंग्रेजी, चाइनिज तथा कोरियाली भाषा अनुवाद हुन्छ।

बीबीसीका अनुसार छिट्टै अन्य भाषामा पनि यो सेवा उपलब्ध हुनेछ। टेलिफोन ट्रान्सलेसनको यो प्रविधिले टेलिफोन कुराकानीका क्रममा बो लिने आवाज सुनेर त्यसको अनुवाद गर्नेछ। जानकारहरूका अनुसार क्वाउड कम्प्युटिङ प्रविधिमा आधारित यो एप्सको प्रयोग कुनै पनि एन्ड्रोएड  फोनमा गर्न सकिन्छ। प्रविधिका जानकार एवं यसका प्रयोगकर्ताहरू भने अनुवाद सटिक नभएका कारण यसलाई हरेक स्थानमा आधिकारिक  रूपमा प्रयोग गर्न नसकिने बताउँछन्।

Read More