नेपाल एयरलाइन्सको विमान दुर्घटनाबाट बच्यो

पोखरा । जोमसोमबाट पोखराका लागि उडेको नेपाल एयरलाइन्सको विमान ठूलो दुर्घटना हुनबाट बचेको छ । उक्त विमान जोमसोमको धावन मार्गमै पल्टिएको थियो । विमानको पांग्रा भाँचिएर विमान पल्टिएको प्रहरीले जनाएको छ । विमानस्थलमा खाल्डा परेको र उड्न लाग्दा विमानको पांग्रा भाँचिएर पल्टिएको बताइएको छ । विमानमा रहेका चालकदलका ६ सदस्यसहित १८ जना यात्रुहरु भने सकुसल रहेका छन् । विमान पल्टिएर अवरुद्ध भएको विमानस्थल अहिले सुचारु भएको छ । रनवेमा रहेको विमानलाई सुरक्षाकर्मीको सहयोगमा रनवेबाट बाहिर ल्याइएको थियो । चार बर्ष अघि पनि सोही विमान सहचालकलाई परिक्षण गर्न दिनेक्रममा धावनमार्ग बाहिर दुर्घटना भएको थियो ।

Read More

सीता एयरको विमान दुर्घटना, १९ यात्रुको निधन

काठमाडौंबाट सोलुको लुक्लाका लागि उडेको सीता एयरको 9N AHA डोर्नियर विमान त्रिभुवन विमानस्थलबाट उडे लगत्तै दुर्घटना भएको छ । विमानमा सवार सबै १९ जनाको निधन भएको छ । बिहान ६ बजेर १७ मिनेटमा उडेको विमान ६ बजरे १८ मिनेटमा विमानस्थल नजिकै लोकन्थली मनहरा खोला छेउमा दुर्घटना भएको हो । 

विमानमा आकाशमै आगो लागेको प्रत्यक्षदर्शीले बताएको छ । विमानमा रहेका १९ जना सबैको निधन भएको छ । विमानमा ७ बेलायती, ५ चिनियाँ र ३ चालकदलसहित ७ जना नेपाली थिए ।

विमानको पछिल्लो भाग बाहेक सम्पूर्ण भाग जलेको छ । विमानका चालक विजय तन्डुकार थिए । दुर्घटनाको कारण खुल्न सकेको छैन । विमानमा केही खराबी भएर वा चरासंग ठोक्किएर दुर्घटना भएको हो बारे अनुसन्धान भइरहेको छ । चालक तन्डुकारले त्रिभुवन विमानस्थल टावर (एटिसी) संग कुरा गर्दै जहाज चरासंग ठोकिएर अनियन्त्रित भएको जानकारी दिएका थिए । यसबाहेक थप कुनै पनि कुरा हुन नपाउँदै विमान दुर्घटना भएको विमानस्थलका महाप्रबन्धक रतिशचन्द्र लाल सुमनले बताए ।

 

लुक्ला जान लागेको जहाज धावनमार्गको केन्द्रबाट झण्डै ५ सय मिटरको दुरीमा पुनः विमानस्थल फर्काउने क्रममा खसेको थियो । वरीपरि बस्ती भएकाले चालकले जहाजलाई कम क्षति हुनेगरी मनोहरा नदीमा अवतरण गर्ने प्रयास गरेको देखिएको सुमनले बताए । नजिकै सुकुम्बासी बस्ती र नदिवारी काठमाडौं वडा नम्बर ३५ मा पर्ने पाल्पाकोट बस्ती छ । विमानमा यात्रु बाहेक १ सय ५० किलो ब्यागेज थियो । घट्नाबारे बुझ्न दुर्घटनास्थमा बिहानैदेखि हजारौं सर्वसाधारणको ताँती लागेको छ । यो जहाजको दुर्घटनासंगै सीता एयरसंग अब २ वटा डोर्नियर मात्र बाँकी छ ।

Read More