मिस वर्ल्ड बने चिनियाँ सुन्दरी

  विश्वभरका १ सय १५ प्रतिस्पर्धीलाई उछिन्दै चिनियाँ सुन्दरी वेन सि युले मिस वर्ल्ड- २०१२ को ताज पहिरिएकी छन् । चीनको ओर्डसमा शनिबार साँझ भएको ६२ औं मिस वर्ल्डमा आयोजक राष्ट्रकै सुन्दरीले उपाधि जितेकी हुन् । चीनले मिस वर्ल्डको ताज जितेको यो दोस्रो पटक हो । सन् २००७ मा झाङ जिलिन मिस वर्ल्ड भएकी थिइन् ।

     वेल्स सुन्दरी सोफी मौल्ड्स फस्ट रनर अप भइन् भने अष्ट्रेलियाली सुन्दरी जेसिका काहावाते सेकेन्ड रनर अप भइन् । उत्कृष्ट सातमा उनीहरुसहित जमैका, भारत, दक्षिणी सुडान र ब्राजिका सुन्दरी परेका थिए । मिस वर्ल्ड- २०१२ बिजेता वेन संगीतकी विद्यार्थी हुन् । उनी संगीत शिक्षिका हुन चाहन्छिन् । पहिलोपटक चीनको मंगोलिया सिटी ओर्डसले अन्तर्राष्ट्रिय ब्यूटी पेजेन्ट आयोजना गरेको हो ।

    नेपालको प्रतिनिधित्व गरेकी मिस नेपाल सृष्टि श्रेष्ठ  उपाधिविहीन भइन् । निकै अपेक्षा गरिएकी उनी उत्कृष्ट १५ मा पनि परिनन् । यद्यपी सृष्टि यो चरणसम्म पुग्ने पहिलो नेपाली सुन्दरी हुन् । सृष्टि उत्कृष्ट १० मा परेको बिच फेसनको उपाधि वेल्स सुन्दरीले जितिन् ।

·    मिस वर्ल्ड ट्यालेन्ट अवार्ड- चीन

·    मिस वर्ल्ड स्पार्ट्स अवार्ड- स्विडेन

·    मल्टिमिडिया अवार्ड-भारत

·    बिच फेसन अवार्ड- वेल्स

·    टप मोडल अवार्ड- दक्षिण सुडान

Read More

आज कुसे औंसी तथा मोतीराम जयन्ती

     

     आज कुसे औँशी अर्थात बाबुको मुख हेर्ने दिन । हिन्दु धर्माबलम्बीहरुले भाद्रकृष्ण औँसीका दिन अत्यन्त महत्वका साथ यो पर्व मनाउने गर्दछन् । आज बाबुआमा भएका छोराछोरीहरुले बाबुलाई मिठाइँ, फलफूल, नयाँ लुगा लगायतका सामानहरु दिएर सम्मान गरि आशीर्वाद लिने गर्दछन् ।

      बाबु नभएका अर्थात बाबु दिवंगत भएका छोराछोरीहरुले तीर्थस्थलमा गई पुरेतलाई दान दक्षिणा गरेर यो पर्व मनाउने गर्दछन् । यो पर्वमा नेवार समुदायमा छोराछोरीहरुले बाबुलाई रातो टीका लगाई पूजाआजाका साथ हाँस वा कुखुराको अन्डा, माछा, रक्सी र दही सगुनसहित विभिन्न परिकार खुवाएर मनाउने गर्दछन् ।

       आज राजधानीका विभिन्न मन्दिरहरुमा श्रद्धालु भक्तजनहरुको घुइचो लाग्ने गर्दछ । त्यसैगरी बाबुको मुख हेर्नका लागि जान नपाएका कतिपय छोराछोरीहरुले टेलिफोन गरेर भए पनि आफ्ना बाबुलाई सम्झिएका हुन्छन् ।

   
     आजै नेपालका रािट्रय विभूति मोतीराम भट्ट जन्मजयन्ती पनि विभिन्न साहित्यिक कार्यक्रमहरुको आयोजना गरी मनाइँदैछ । िवंसं। १९२३ साल भाद्र कुसे औंसीका दिन जन्मेर १९५३ साल भाद्र कुसे औंसीकै दिन ३० वर्षको उमेरमा निधन हुनुभएका मोतीराम भट्ट माध्यमिक कालीन नेपाली साहित्य र शृङ्गारिक धाराका प्रवर्तक हुनुहुन्छ ।

Read More

Pancha Deepankar Buddha of Bhaktapur

         भक्तपुरमा मनाइने बिभिन्न बौद्धपर्वहरु मध्ये पन्जराँ अर्थात् पन्चदान पर्व पनि एक प्रमुख पर्व हो । यो पर्व प्रत्येक वर्ष भाद्रकृष्ण त्रयोदशीको दिनमा मनाइन्छ । यो दिनमा बिषेशत: नेपालको बौद्ध परम्परा अनुसार बाहा: र बही (बिहार) मा प्रवर्जित भएका बौद्ध भिक्षुहरु (गृहस्थ भिक्षुहरु) लाई पाँच प्रकारका वस्तुहरु दान गरिन्छ । पाँच प्रकारका बस्तुमा अन्न (चामल, धान, गँहु , जौ आदि ), गेडागुडी , फलफूल , सख्खर पानी (सर्बत) पर्दछन् । परम्परागत रुपमा चली आएको यो परम्परा र संस्कृतिअनुसार दान गर्नको लागि विभिन्न बौद्ध देवताहरुको मुर्ति प्रदर्शन गरेर दानशाला बनाएको हुन्छ । त्यस्मा पनि बिषेशत: दीपंकर बुद्धको मुर्तिलाई प्रमुख रुपमा राख्ने गरिन्छ । बौद्धधर्ममा दीपंकर बुद्धलाई बौद्ध धर्मका प्रबर्तक शाक्यमुनि बुद्धलाई भविष्यमा बुद्ध हुनेछ भनेर भविष्यव्याकरण गर्ने बुद्धको रुपमा चिनिन्छन् । त्यसैले वहाँ अतितका बुद्ध हुन् ।

www.namxal.blogspot.com

Read More