प्रेमीलाई भेट्न हवाईजहाज भाडामा

अमेरिकी मोडल तथा पपगायिका निकोल सर्जिङ्गरले आफ्नो प्रेमी भेट्न विमान नै भाडामा लिएकी छिन्। आफ्ना प्रेमी तथा तीव्र गतिका कार चालक लेविस हेमिल्टनलाई ग्रान्ड पिक्स रेसका दौरान भेट्न तथा घुम्न मोटो रकम तिरेर विमान भाडामा लिने क्रममा उनले द एक्स फ्याक्टरबाट प्राप्त ७५ हजार पाउन्डको अधिकांश हिस्सा खर्च गरेकी छिन्। पूसी क्याट एल्बमकी गायिका निकोल हेमिल्टनसँगको आफ्नो प्रेम सम्बन्धलाई प्रगाढ बनाउन विमानमा उनीसँग अबुधावी तथा ब्राजिलसम्म पुग्नेछिन्। पछिल्लो महिना लेविस केही महिलासँग देखिएपछि उनीहरूबीचको सम्बन्धमा दरार उत्पन्न भएको थियो, तर सम्बन्धमा रहेको चिसोपन हटाएर लेविससँगको प्रेमसम्बन्धलाई पुनः तताउने सुरमा निकोलले हवाईजहाज नै भाडामा लिएकी हुन्।

Read More

कम्प्युटरमा विजुली बचाउने प्रविधिको विकाश

वैज्ञानिकहरुले एउटा यस्तो प्रविधिको आविष्कार गरेका छन् जसबाट कम्प्युटर प्रणालीमा हुने उर्जा खपतलाई खटाएर उर्जा बचत सम्भव पार्नेछ । भारतीय मूलका अमेरिकी वैज्ञानिक डाक्टर विरेन्द्र राज दत्तको नेतृत्वमा रहेको अनुसन्धान टोलीले थोरै उर्जामै कम्प्युटर चलाउने तथा कम्प्युटर प्रणालीबाट हुने बढि उर्जा खपत घटाउने प्रविधिको विकाश गरिएको दाबी गरेको छ । यो प्रविधिले सूचनाप्रविधिको क्षेत्रमा क्रान्तिकारी परिवर्तन ल्याउनसक्ने दाबी शोधकर्ताहरुको छ । के हो यो प्रविधि ? यो प्रविधिमा कम्प्युटरमा प्रकाशका लागि जर्मेनियम नामको तत्व लेजरका रुपमा प्रयोग गरिन्छ । यसले निकै कम बिजुलीबाटै कम्प्युटर चिप्सले धेरै काम गर्न सक्छन् । जर्मेनियमको प्रयोगले कम्प्युटर प्रणालीमा प्रयोग गरिँदै आएको नयाँ पुस्ताको सिलिकन सेमीकण्डक्टर चिप्सका इलेक्ट्रोनिक्स उपकरणमाथिको निर्भरतालाई पनि कम गर्नेछ । शोधकर्ताहरुका अनुसार फोटोन कणका कारण जर्मेनियम युक्त चिप्स बढि सक्रिय हुन्छ । शोधकर्ताहरुले कम्प्युटर चिप्समा जर्मेनियमको प्रयोगले सूचना प्रविधिको क्षेत्रमा नयाँ युगको थालनी हुने र भन्दै यस्तो फोटोनिक युग यस क्षेत्रका लागि क्रान्तिकारी छलाङ सावित हुने दाबी गरेका छन् । onlinekhabar

Read More

अब नेपाली मोडेल हरु फेसन टी भी मा देख्न पाइने

दक्षिण एसियामै पहिलो पटक एक नेपाली सौन्दर्य प्रतियोगितालाई फेसन टिभीले प्रशारण गर्न लागेको हो । इ.एस. क्रियशनको आयोजनामा हुन लागेको मिस ग्लोबल ब्युटी क्विनलाई फेसन टेलिभिजनले प्रशारण गर्न लागेको हो । आउँदो कात्तिक १ गते काठमाडौंको याक एन्ड यती होटलमा यो प्रतियोगीताको अन्तिम प्रतिस्पर्धा हुन लागेको आयोजकले बताएको छ । प्रतियोगिता भएको केही हप्तापछि फेशन टेलिभिजनमा आधाघन्टा यो कार्यक्रम प्रशारण हुनेछ । यो बर्षको मिस ग्लोबल ब्युटी क्विनमा १८ जना प्रतिस्पर्धीले प्रतिस्पर्धा गर्न लागेका छन् । आयोजकले फेशन टेलिभिजनसँगको सहकार्य निरन्तर हुनेमा आशावादी रहेको बताएको छ । प्रतियोगितको बिजेताले स्कुटी, २५ हजार नगद र पूर्ण छात्रावृति पाउने छिन् । यस्तै फस्टरनअपले १५ हजार नगद, ल्यापटप र ५० प्रतिशत छात्रावृति पाउने आयोजकले बताएको छ ।

Read More

नेपाल एयरलाइन्सको विमान दुर्घटनाबाट बच्यो

पोखरा । जोमसोमबाट पोखराका लागि उडेको नेपाल एयरलाइन्सको विमान ठूलो दुर्घटना हुनबाट बचेको छ । उक्त विमान जोमसोमको धावन मार्गमै पल्टिएको थियो । विमानको पांग्रा भाँचिएर विमान पल्टिएको प्रहरीले जनाएको छ । विमानस्थलमा खाल्डा परेको र उड्न लाग्दा विमानको पांग्रा भाँचिएर पल्टिएको बताइएको छ । विमानमा रहेका चालकदलका ६ सदस्यसहित १८ जना यात्रुहरु भने सकुसल रहेका छन् । विमान पल्टिएर अवरुद्ध भएको विमानस्थल अहिले सुचारु भएको छ । रनवेमा रहेको विमानलाई सुरक्षाकर्मीको सहयोगमा रनवेबाट बाहिर ल्याइएको थियो । चार बर्ष अघि पनि सोही विमान सहचालकलाई परिक्षण गर्न दिनेक्रममा धावनमार्ग बाहिर दुर्घटना भएको थियो ।

Read More

चाडको मुखमा फेरी आयो स्वाइन फ्लुको आतंक

काठमाडौं उपत्यकालगायत मुलुकका केही क्षेत्रमा कडा ज्वरो र रुघाखोकी लागेर अस्पताल गएका बिरामीमा स्वाइन फ्लु भेटिएको छ । लामो समय ज्वरो आउने, घाँटी दुख्ने, टाउको र जीउ पूरै दुख्नेजस्ता लक्षण लिएर शुक्रराज ट्रपिकल तथा सरुवा रोग अस्पताल गएकामध्ये केहीमा स्वाइन फ्लु -एचवानएनवान पीडीएम-९) प्रमाणित भएको हो । स्वाइन फ्लु लक्षण देखिए पनि बेलैमा उपचार सुरु भए डराउनु नपर्ने चिकित्सकले बताएका छन् । स्वाइन फ्लु श्वासप्रश्वाससम्बन्धी रोग हो, जसले सुँगुरहरूका साथै मानिसलाई समेत संक्रमित गर्छ, खासगरी ती व्यक्तिहरू जो सुँगुरको सम्पर्कमा रहन्छन् । हाछ्युँ र खोकीबाट व्यक्ति व्यक्तिमा संक्रमण फैलिन्छ । जब फ्लु मानिसमा फैलिन्छ भाइरसहरूले उपचारमा कठिनाइ हुने गरी आफ्नो स्वरूप बदल्न सक्छन् । नयाँ प्रकारका भाइरस बन्छन् जब बेग्लाबेग्लै भाइरसका जिनहरू मिसिन सुरु हुन्छ लक्षण देखिन लाग्ने समय ५ देखि १० दिन लाग्छ । स्वाइन फ्लुको शंका लागे चिकित्सकलाई देखाएरै उपचार गर्नुपर्छ, पोषिलो झोल कुरा खाएर आराम गर्दा छिटो निको हुन सक्छ ।

Read More

फ्राइ अण्डा खानेमा यौन इच्छा तिब्र

तपाइँलाई उसिनेको अण्डा मन पर्छ की फ्राइ गरेको ? वा अरु कुनै परिकारको रुपमा बनाइएको अण्डा मन पर्छ ? के अण्डालाई कसरी खाइन्छ भन्ने कुराबाट तपाइँको यौन झुकावका बारेमा पत्ता लगाउन सकिन्छ होला ? सायद नसकिनु पर्ने हो । तर बेलायतको अण्डा उद्योग परिषदले हालै गरेको एक अध्ययनले अण्डालाई कुन रुपमा खाइन्छ भन्ने कुराबाट व्यक्तिको व्यक्तित्व तथा यौन चरित्रको बारेमा जानकारी लिन सकिने देखाएको छ ।

परिषदको अध्ययन अनुसार आधा उसिनेको वा हाप ब्वाइल अण्डा मन पराउनेहरु घुमघाम गर्न रुचाउने प्रवृत्तिका हुन्छन् । संगठित हुने वा राजनीतिमा लाग्न नचाहनेहरु पूरै उसिनेका अण्डा मन पराउँछन् । त्यस्तै तिब्र यौन इच्छा भएका व्यक्तिहरुले फ्राइ अण्डा रुचाउने गरेका छन् । अध्ययनले अमलेट खान मन पराउनेहरु आत्मअनुशासनमा रहने खालका हुन्छन् । अध्ययन अनुसार आधा उसिनेको अण्डा खानेहरु अरु भन्दा बढि खुसी हुन्छन् भने पूरै उसिनेको अण्डा मन पराउनेहरुको वैवाहिक जिवन तनावपूर्ण रहन्छ र सधै डिभोर्सको डर हुन्छ । अध्ययनकर्ताहरुले अण्डा कुन रुपमा खाइन्छ भन्ने कुराले मान्छेको यावत् सामाजिक तथा मनोवैज्ञानिक स्थितिमा असर भने नपार्ने स्पष्ट पार्दै यो अध्ययनले मान्छेको अण्डा खाने रुचीबाट र उसको शारीरिक तथा मनोवैज्ञानिक अवस्थाको अनुमान गर्न सकिने कुरालाई मात्र दर्शाउन खोजेको प्रष्ट पारेका छन् ।

Read More

काठमाडौँ विमानस्थलमा पाइलटबिना जहाज अवतरण!

शील भट्टराई, काठमाडौं, असोज १६ - मुलुकको उड्डयन इतिहासमै पहिलोपटक 'स्याटेलाइट' मा आधारित भएर त्रिभुवन अन्तर्राष्ट्रिय विमानस्थलमा जहाज अवतरण गराइएको छ। यसरी अवतरण गराउँदा पाइलटको कुनै काम हुँदैन। जहाजमा २ सय यात्रु थिए। यहाँको विमानस्थल र कतारबाट अनुमति पाएपछि यो प्रणालीबाट जहाज अवतरण गरेको हो।

त्रिभुवन विमानस्थलमा सोमबार बिहान साढे ८ बजे कतारको दोहाबाट आएको कतार एयरवेजको जहाज स्याटेलाइटमा आधारित 'नेभिगेसनल' प्रणालीबाट सफल अवतरण गरेको हो।

'६ वर्षको निरन्तर प्रयासपछि बल्ल यो प्रणालीबाट जहाज अवतरण गराउन सफल भयौं,' विमानस्थलका एक उच्च अधिकारीले सोमबार नागरिकसँग भने, 'यसबाट जहाज र यात्रु सबैभन्दा बढी सुरक्षित हुन्छन्।'

उनका अनुसार जहाजमा 'रिक्वायर्ड नेभिगेसन पर्फर्मेन्स-अथोराइजेसन रिक्वायर्ड' (आरएनपी-एआर) कम्प्युटर प्रणाली जडान गरेपछि स्याटेलाइटबाट प्राप्त निर्देशनअनुसार जहाज आफैं आरामसाथ अवतरण गर्छ।

'विमानस्थलमा अवतरण गर्नु केही मिनेटअघि जहाजलाई आरएनपी-एआर प्रणालीमा राखेपछि पाइलटहरू आरामसँग बसे हुन्छ,' ती अधिकारीले भने, 'पाइलटले केही गर्नुपर्दैन, दायाँ, बायाँ, अगाडि कतै हेर्नुपर्दैन, मौसम कस्तो छ, जहाजको गति, उचाइबारे पाइलटले चिन्तै लिनुपर्दैन। यात्रुले त झन् डराउनै पर्दैन, यसबाट उडान सुरक्षा बढेको छ।'

सम्बद्ध एक अधिकारीका अनुसार बाक्लो कुहिरो लागेर मौसम खराब भएर 'भिजिबिलिटी' कम भएका बेला पनि यो प्रणालीबाट सहजै जहाज अवतरण गर्न मिल्छ। अन्तर्राष्ट्रिय उडान गर्ने मध्यम किसिमका जहाजलाई यहाँ अवतरण गर्न २ हजार ८ सय मिटर र त्यसभन्दा ठूला जहाजलाई ३ हजार २ सय मिटर भिजिबिलिटी आवश्यक पर्ने त्रिभुवन विमानस्थलको नियम छ।

जहाजको ककपिटभित्र बसेका पाइलटले सिधा अगाडि हेर्दा जति सफा देख्छन्, त्यसलाई भिजिबिलिटी भनिन्छ। विमानस्थलको नियमअनुसार अन्तर्राष्ट्रिय जहाज अवतरण गर्ने बेला मध्यमखाले जहाजका पाइलटले सिधा अगाडि २ हजार ८ सय मिटर र ठूलाले ३ हजार २ सय मिटर सफा देख्नैपर्छ। त्यसपछि मात्र अवतरण गर्न सकिन्छ।

'अब त्यति धेरै होइन, जम्मा १ हजार मिटर भिजिबिलिटी भए पनि जहाज आरामसँग अवतरण गर्छ,' ती अधिकारीले भने, 'यसका लागि टावरमा भएका एयर ट्राफिक कन्ट्रोलर (एटिसी) ले स्याटेलाइट प्रणालीमा अवतरण गर्न आइरहेका जहाजलाई सहज वातावरण बनाइदिनुपर्छ।'

उनका अनुसार एटिसीले त्यसरी जहाज आउने बाटोमा अन्य जहाजलाई जान दिनु हुँदैन। बाँकी काम आरएनपी-एआर यन्त्रले आफैं गर्छ। 'भेरी हाइ फ्रिक्वेन्सी ओम्नी डिरेक्सन रेडियो रेन्जेज' (भिओआर) र 'डिस्ट्यान्स मिजरिङ इक्विपमेन्ट' (डिएमई) यन्त्रले काम नगरे पनि यो प्रणालीबाट अवतरण गर्न सकिन्छ।

भिओआरले जहाजलाई दिशानिर्देश गर्छ भने डिएमईले विमानस्थलबाट जहाजको दुरीबारे जानकारी दिन्छ। दुवै यन्त्रले पूर्व, पश्चिम, उत्तर वा दक्षिण कुन दिशामा जाँदा विमानस्थल धावनमार्ग भेटिन्छ भन्ने जानकारी जहाजलाई दिन्छ।

'काठमाडौंबाट करिब १५ मिनेट दुरीमा रहेको सिमरा माथि आइपुगेपछि नयाँ प्रणालीबाट अवतरण गर्न सकिन्छ,' उनले भने, 'त्यहाँबाट कम उचाइ र कम भिजिबिलिटी भए पनि आरामसँग जहाज आफैं आउँछ। पाइलटले केही गर्नुपर्दैन। सिधा आउन समस्या भए बांगोटिंगो बाटोबाट पनि जहाज आउँछ। डाँडामाथिबाट उड्दा जहाजको अग्लाइ २ हजार फिट हुनुपर्ने भए पनि अब आधा कममै आउँछ। आकासमै होल्ड गर्नुपर्दैन भने डाइभर्ट गरेर अन्तै अवतरण गर्न जानु पनि गर्नुपर्दैन।'

विमानस्थलका अनुसार यहाँ उडान गरिरहेका अन्तर्राष्ट्रिय वायुसेवा कम्पनीका ७० प्रतिशत जहाजमा यस्तो यन्त्र जडित छ। हाल ३२ कम्पनीका जहाजले यहाँ उडान गरिरहेका छन्। कतार एयरवेजले अनुमति पाएपछि अन्यले पनि यसमा चासो दिइरहेका छन्। संसारका धेरै विमानस्थलमा यो प्रणालीबाट जहाज अवतरण गराइन्छ। यो प्रणाली आन्तरिक उडान गर्ने साना जहाजमा भने हुँदैन।

त्रिभुवन विमानस्थलमा प्रमुख सिजनका बेला आन्तरिक र अन्तर्राष्ट्रिय गरी औसत दैनिक ४ सय ५० तथा सामान्य अवस्थामा औसत दैनिक २ सय ५० उडान-अवतरण हुने गर्छ।

Read More

आजदेखि सोह्रश्राद्ध शुरु

हिन्दु परम्परा अनुसार आइतवारदेखि पितृपक्ष अर्थात सोह्रश्राद्ध शुरु हुँदैछ । पितृपक्षको तिथिमा दिवंगत पितृहरुप्रति श्रद्धासाथ अन्नजल अर्पण गरिने हुँदा स्रोहश्राद्धको विशेष महत्व रहेको छ ।

ठूला चाडपर्व, यज्ञ आदि आदि गर्नुभन्दा पहिले पितृपूजा गर्ने परम्परा छ । आइतवारदेखि शुरु भएको सोह्रश्राद्ध आउँदो औंसीसम्म कायम रहन्छ ।

Read More