क्षुद्र ग्रह पृथ्वीको नजिक आउँदै टीभी प्रशारण रोकिन सक्ने

एक भयानक क्षुद्रग्रह पृथ्वीको निकै नजिकबाट पार हुनेछ । २०१२ डिए १४ नामको उक्त क्षुद्र ग्रह पृथ्वीमा ठोक्किने सम्भावना छैन । तर, यदि ठोक्कियो भने त्यसबाट उत्पन्न हुने उर्जा वा त्यसले गर्ने विनाश १ हजार वटा आणविक बम पडि्कए सरह हुने बताइएको छ ।

अमेरिकी अन्तरीक्ष संस्था नासाले यो क्षुद्रग्रह पृथ्वीमा ठोक्किने सम्भावना नरहेको भएपनि यो भुउपग्रहहरुका कक्षहरुसम्म भने पुग्ने बताएको छ ।

यो क्षुद्रग्रहले अन्तरीक्षमा रहेका कृत्रिम भु उपग्रहका कक्षमा असर गर्दा शुक्रबार विश्वभरका स्याटेलाइट टेलिभिजन प्रशारणको तरंगमा असर पुग्नसक्ने अनुमान गरिएको छ । साथै स्याटेलाइट टेलिफोन तथा मौसम पूर्वानुमानका लागि प्रयोग भएका भु उपग्रहको कक्षमा समेत यसले असर पुग्ने बताइएको छ ।

यो क्षुद्रग्रह १५० फिट चौडा रहेको बताइएको छ । यो क्षुद्रग्रह पृथ्वीको यति नजिकबाट पार हुनेछ की त्यो दुरी अहिलेसम्मकै सबैभन्दा कम हुनेछ । यो क्षुद्रग्रह पृथ्वीभन्दा २७ हजार ६ सय ८१ किलोमिटर माथिबाट पार हुने बताइएको छ ।

यो क्षुद्रग्रह गएको वर्ष स्पेनका एकजना खगोलविदले पत्ता लगाएका थिए । ५ माइल प्रति मिनेटको गतिमा हुइँकिने यो क्षुद्र ग्रह गोलीको गति भन्दा ८ गुणा तिब्र गतिमा हुइँकिनेछ । यो क्षुद्रग्रह खाली आँखाले नदेखिने र दुरबिनको सहायताले भने हेर्न सकिने खगोलविद्हरु बताउँछन् । सूर्यास्तपछि उत्तरपूर्वी क्षितिजमा यो क्षुद्रग्रह देखा पर्ने बताइएको छ ।

Read More

आज पृथ्वी र सूर्य सबैभन्दा नजिक

अन्तरीक्ष विज्ञानमा चासो राख्नेहरुका लागि आज बुधबारको दिन विशेष दिन हो । विशेष दिन यो मानेमा की आज पृथ्वी सूर्यको सबैभन्दा नजिक पुग्नेछ ।
बिहान झण्डै साढे १० बजेतिर पृथ्वी सूर्यको सबैभन्दा नजिक हुनेछ । उक्त समयमा पृथ्वी र सूर्यको दुरी १४.७ करोड किलोमिटर हुनेछ ।

स्मरण रहोस् हरेक वर्ष जनवरी महिनामा पृथ्वी र सूर्यबीचको दुरी सबैभन्दा कम हुन्छ जसलाई पेरिहिलियन भनिन्छ । जबकी जुलाई महिनामा सूर्य र पृथ्वीबीचको दूरी सबैभन्दा बढि हुन्छ जसलाई एपिहिलियन भनिन्छ । यो वर्ष
आउँदो जुलाई ५ मा पृथ्वी र सूर्यबीचको दूरी सबैभन्दा बढि हुनेछ ।

Read More

शनिको उपग्रहमा पनि ‘नाइल नदी’

जिवको अस्तित्व सम्भव रहेको भनिएको शनि ग्रहको सबैभन्दा ठूलो उपग्रह टाइटनमा पृथ्वीको सबैभन्दा लामो नदि नाइल जस्तै नदी फेला परेको छ । यद्यपि यो नदीमा पानी होइन तरल हाइड्रोकार्वन रसायन बगिरहेको छ । वैज्ञानिकहरुले टाइटनको यो नदीलाई पृथ्वीको नाइलको जुम्लाहा को संज्ञा पनि दिएका छन् ।

नासाको अन्तरीक्षयान क्यासिनीले टाइटनमा २५० माइल लामो नदी तथा त्यसको आसपासको विशाल उपत्यकाको स्पष्ट तस्वीर खिच्न सफल भएको छ ।

वैज्ञानिकहरुका अनुसार पृथ्वी बाहेक ब्रम्हाण्डका अरु पिण्डहरुमा यस्तो नदी देखिएको यो पहिलोपटक हो । यो नदी टाइटनको उत्तरी ध्रुविय क्षेत्र पार गर्दै उत्तरी अक्षांसका तिन ठूला समुद्रमध्येको एक लिगेइया मेरमा गएर मिसिने बताइएको छ ।

चन्द्रमा भन्दा ८० प्रतिशत ठूलो टाइटनमा बाक्लो वायुमण्डल रहेको बताइन्छ । उक्त बायुमण्डलमा इथेन र मिथेनको मात्रा अत्यधिक छ ।

Read More

२१ तारिखमा पृथ्वी ध्वस्त हुन्छ भन्ने भविश्यवाणी गलत !

एजेन्सी, मंसिर २५ । विश्वभरीका मानिसहरु यसैवर्षको डिसेम्बर २१ तारिखमा पृथ्वीमा प्रलय हुन्छ, पृथ्वी ध्वस्त हुन्छ भन्ने जस्ता कुराहरुबाट अहिले चिन्तित भएका छन् । तर, यो कुरा गलत भएको र यसको बारेमा कुनै प्रमाण समेत हालसम्म नजुटेको समाचार बीबीसीले सम्प्रेशन गरेको छ ।

बीबीसी अनलाईनमा प्रकाशित समाचार अनुसार हालै मंगल ग्रहमा मानिसको अस्थित्व खोजी गरिरहेको अमेरिकी अन्तरिक्ष एजेन्सी (नासा)ले यसैवर्षको डिसेम्बर २१ मा ‘पृथ्वीको अन्त्य’ हुन्छ भन्ने विषयमा अध्ययन गरेको थियो ।

उक्त अध्ययनलाई स्रोत मान्दै समाचारमा भनिएको छ, २१ डिसेम्बरमा पृथ्वीको अन्त्य हुन्छ भन्ने भविश्यवाणी सम्भवतः गलत हुनेछ । यसअघि पनि यस्तो भविश्यवाणीहरु गलत हुँदै आएका छन् ।

समाचारका अनुसार यस्तो भविष्यवाणी सन् २००३ मा पनि गलत सावित भएको थियो । त्यस्तै २१ डिसेम्बर १९९१ मा पनि यस्तै किसिमको भविष्यवाणी गलत भएको थियो । त्यतिमात्रै होइन, १९९० को दशकमा त ६ पटक यस्तो समय थियो, जसमा पृथ्वी ध्वस्त हुन्छ भनिएको थियो । तर, ती सबै गलत हुँदै आए ।

सन् १८४० पछिको हरेक दशकमा कम्तिमा २–३ पटक पृथ्वी ध्वस्त हुने भविष्यवाणी गरिदै आइएको छ । पृथ्वी ध्वस्त हुने यस्तो गलत प्रचार प्राचीन रोमको समयदेखिनै हुँदै आएको जनाइएको छ ।

त्यस्तै खबरका अनुसार यसैवर्ष रोयर्टसले गरेको एक सर्वेक्षणमा हरेक ४ मध्ये एक अमेरिकी र विश्वका हरेक ७ मध्ये एक मानिसहरु आफ्नो जीवनकालमै पृथ्वीको अन्त्य हुन्छन् भन्ने मान्यता राख्छन् ।

समाचारमा यो पनि उल्लेख गरिएको छ कि कुनै पनि ग्रह सधैं जीवित रहँदैन । तर, खगोलविद्हरुका अनुमान अनुसार पृथ्वीको साथमा ७.५ अरब वर्ष आयु अझै बाँकी छ । यसपछि भने पृथ्वी सूर्यमा बिलिन हुने जनाइएको छ । View more >>>

Read More