क्याटीकी छोरीलाई ११ करोडका उपहार

लन्डन : हलिउड अभिनेत्री क्याटी होम्सले आफ्नी छोरी सुरीका लागि किनिदिएको क्रिसमस–उपहारमा ३० हजार पाउन्ड (नेपाली रुपियाँ ११ करोड) भन्दा धेरै रकम खर्च गरेकी छन् । लन्डनको ‘सन अनलाइन’ अनुसार, भर्खर ६ वर्ष पुगेकी सुरी हाल पारपाचुके भइसकेका पूर्वदम्पत्ती क्याटी होम्स र हलिउड नायक टम क्रुजकी सन्तान हुन् । सुरीलाई प्राप्त भएको सबैभन्दा ठूलो उपहार एउटा ‘भिक्टोरियन प्लेहाउस’ थियो, जसको मूल्य झन्डै १५ हजार पाउन्ड थियो ।

प्लेहाउस एक किसिमको सानो भवन हुन्छ र यसलाई घरको बगैँचामा ठड्याउने गरिन्छ । यसमा पानी र बिजुली पनि राखिएको हुन्छ । यस अतिरिक्त सुरीलाई दिइएका महँगा उपहारमा एउटा मिनि आइप्याड, ६ हजार पाउन्ड पर्ने बालबालिकाको मर्सिडिज, एउटा महँगो ड्ेरस र एउटा अत्यन्त सुन्दर फर (भुवा) को कोट छन् । क्रुज हाल लन्डनमै रहेर आफ्नो नयाँ फिल्म ‘अल यु निड इज किल’ को सुटिङ गरिरहेकी छन् । (एजेन्सी)

Read More

आज वर्षकै सबैभन्दा छोटो दिन

काठमाडौ, पुस ६ – आज २१ डिसेम्बर । सामान्यत : आजको दिन पृथ्वीमा दक्षिणी गोलार्धमा दिन लामो र उत्तरी गोलार्धमा दिन छोटो हुने गर्छ ।

नेपालमा सूर्योदय र सूर्यास्तको बीचको समय अनुसार आजको दिन १० घण्टा २३ मिनेटको हुनेछ । यो वर्षकै सबैभन्दा छोटो दिन हो ।

सूर्यलाई परिक्रमा गर्ने क्रममा आफ्नो अक्षमा पृथ्वीको ढल्काइका आधारमा सूर्यको प्रकाश पृथ्वीमा कम पर्ने भएकाले शुक्रबार दिन सबैभन्दा छोटो र रात लामो हुने गर्छ । अन्तर्राष्ट्रिय समय अनुसार छोटो दिन डिसेम्बर २१ या २२ तारिख मध्ये कुनै एक दिनपर्छ ।

दिन छोटो भएसंगै आजदेखि औपचारिक रुपमा जाडो सुरु भएको मानिने नेपाल खगोलीय समाजका सचिव सुरेश भट्टराईले बताउनुभयो ।

Read More

लाङटाङमा ज्वालामुखि विष्फोट

रसुवाको लाङटाङ हिमाल क्षेत्रमा ज्वालामुखी विष्फोट भएको छ। बिहान साढेँ दस बजे एक्कासि धुँवा र ‍आगोको ज्वालासहित ज्वालामुखि विष्फोट भएको थियो। धुँवाको मुस्लो देखिएपछि लाङटाङ राष्ट्रिय निकुञ्जमा रहेका सेनाको गणले त्यसबारे सैनिक मुख्यालयलाई जानकारी गराएको थियो।

ज्वालामुखी विष्फोट लाङटाङ हिमालाबट चार किलोमिटर उत्तरपूर्वमा रहेको जनाइएको छ। विष्फोट स्थलबाट नजिक रहेका गाउँ लिङलिङ शेर्पा गाउँ र वृद्धिङ एक दिन टाढाको दूरीमा रहेको छ।

घटनाको स्थलको यथार्थ बुझ्न सेनाको हेलिकप्टर त्यसतर्फ गएको सैनिक प्रवक्ता सुरेश शर्माले बताए। 

 

File Photo ::

Read More

शनिको उपग्रहमा पनि ‘नाइल नदी’

जिवको अस्तित्व सम्भव रहेको भनिएको शनि ग्रहको सबैभन्दा ठूलो उपग्रह टाइटनमा पृथ्वीको सबैभन्दा लामो नदि नाइल जस्तै नदी फेला परेको छ । यद्यपि यो नदीमा पानी होइन तरल हाइड्रोकार्वन रसायन बगिरहेको छ । वैज्ञानिकहरुले टाइटनको यो नदीलाई पृथ्वीको नाइलको जुम्लाहा को संज्ञा पनि दिएका छन् ।

नासाको अन्तरीक्षयान क्यासिनीले टाइटनमा २५० माइल लामो नदी तथा त्यसको आसपासको विशाल उपत्यकाको स्पष्ट तस्वीर खिच्न सफल भएको छ ।

वैज्ञानिकहरुका अनुसार पृथ्वी बाहेक ब्रम्हाण्डका अरु पिण्डहरुमा यस्तो नदी देखिएको यो पहिलोपटक हो । यो नदी टाइटनको उत्तरी ध्रुविय क्षेत्र पार गर्दै उत्तरी अक्षांसका तिन ठूला समुद्रमध्येको एक लिगेइया मेरमा गएर मिसिने बताइएको छ ।

चन्द्रमा भन्दा ८० प्रतिशत ठूलो टाइटनमा बाक्लो वायुमण्डल रहेको बताइन्छ । उक्त बायुमण्डलमा इथेन र मिथेनको मात्रा अत्यधिक छ ।

Read More

माछाको तेलले मानिसलाई जवान बनाउँछ

एजेन्सी, नियमित रुपमा माछाको तेल सेवनसँगसँगै ब्यायाम गरेको खण्डमा बास्तविक उमेर भन्दा निकै जवान देख्न सकिने एक अध्ययनले देखाएको छ । बेलायती बैज्ञानिकहरुको टोलीले ब्रिटिश साइन्स फेस्टिबलमा हालै प्रकाशित गरेको शोधको नतीजामा दैनिक रुपमा माछा वा माछाको तेल सेवन गर्ने जो कोहीको मांशपेशी मजबुत हुनुका साथै शरीरलाई तन्दुरुस्त राख्ने जनाईएको छ ।

माछा र माछाको तेलमा पाइने ओमेगा ३ फैटी एसिडका कारण मानिसको मांशपेशी मजबुत गर्नुका साथै रोगसँग लड्ने क्षमता पनि बृद्धि गर्दछ ।

मानिस ५० वर्षको उमेरबाट माथि लागेपछि उसको मांशपेशी वार्षिक २ प्रतिशतको दरले खुम्चन सक्छ । तर माछाका तेलमा पाईने ओमेगा ३ फैटी एसीडले मानव स्वास्थ्यको माशंपेशीमा आउने वृद्धपना घटाउने अध्ययनले देखाएको छ ।

यसको नियमित सेवन गर्नाले मुटु सम्बन्धी रोग लाग्ने खतरा पनि घटाँउने दावी वैज्ञानिकहरुको छ ।

Read More

Capture from my mobile

 

Photo : Laxman

Read More

MC_Training 2069 @ Bhasasewi Sakos

Read More

आज विवाह पञ्चमी महोत्सव मनाइदै

जनकपुरधाम,पुष २ । आज मार्ग शुक्ल पक्षको पञ्चमी तिथि राम र सीताको स्वयंम्वर भएको विश्वासमा विवाह पञ्चमी महोत्सव मनाइदैछ । विवाह पञ्चमी महोत्सव अन्तर्गत आज दिउँसो १ बजेपछि जनकपुरको रंगभुमि मैदान बाह्र विगाहामा दुलही पक्ष जानकी मंदिरका महन्थ रामतपेश्वर दास बैष्णवले माता सीताको डोलासहित बाह्र बिगाह आउने कार्यक्रम छ । यस्तै दुलाहा पक्ष अयोध्याबाट राममन्दिरका महन्थ भगवान रामलाई डोलामा राखि स्यम्बरका लागि आउने कार्यक्रम छ । विवाहसमारोहपछि संयुक्त रुपमा शोभा यात्राका साथ जनकपुरको नगरपरिक्रममा गर्दै जानकी मन्दिरमा पुग्ने कार्यक्रम छ । पहिले महोत्सव तिरहुतियागाछीमा मनाइन्थ्यो भने एक दशकदेखि रङ्गभूमिमा विशेष कार्यक्रम सहित मनाउने गरिएको छ । यता राम र जानकी मन्दिरलाई आकर्षक रुपमा सजाइएको छ । स्थानिय धनुष सागर र गंगासागरमा स्नान गरी रामसीताको पूजाअर्चना गर्न र विवाह महोत्सव हेर्नका लागि नेपाल, भारत तथा अरु विभिन्न देशहरुबाट आएका दर्शनार्थीको घँइचो लागेको छ ।

Read More

फेसबुकमा जसको धेरै साथी उसलाई धेरै तनाब !

एजेन्सी, मंसिर १३ । फेसबुकमा तपाईंका कति ‘साथी’ छन ? धेरैजसो मानिसहरुको मानसिकता भनेको फेसबुकमा धेरै भन्दै धेरै साथी होउन् भन्ने नै हुन्छ । तर, केही त्यस्ता व्यक्ति पनि हुन्छन्, जसले सिमित साथी मात्रै बनाएका हुन्छन् ।

तर, फेसबुकमा जसको धेरै साथीहरु छन्, उसलाई ज्यादा तनाब हुने देखिएको छ । फेसबुकमा धेरै साथीहरु हुनेलाई ज्वरो आउने, निन्द्रा नलाग्ने जस्ता समस्याहरु देखापर्ने खुलेको हो ।

बेलयातमा हालैको एक रिपोर्टले यस्तो देखाएको हो । रिपोर्टमा खुलाइएको छ कि मानिसहरु आफ्नो लोकप्रियताका लागि फेसबुकमा धेरै भन्दा धेरै व्यक्तिहरुलाई ‘एड’ गर्छन् । जब साथी संख्या बढ्दै जान्छ, तब अपमानति हुने अवस्था पनि थपिदै जान्छ ।

त्यस्तै जसको फेसबुक अकाउन्टमा साथी बाहेक पारिवारका सदस्यहरु पनि जोडिएका हुन्छन्, उनीहरु बढी तनाबमा हुन्छन् । मानिसहरुमा यस्तो तनाब भने फेसबुक प्रयोगकर्ताहरुले पोष्ट गर्ने आपत्तिजनक फोटो, असभ्य शब्दहरु नै हुन् । जसको धेरै साथी हुन्छन्, त्यस्ता व्यक्तिको एकाउन्टमा यस्ता हरकत बढी हुन्छ ।

त्यस्तै उक्त रिपोर्टको मूख्य कुरा भनेको यसरी तनाब ब्यहोर्नेमा ती व्यक्तिहरु बढी हुन्छन्, जसको नयाँ साथीहरुको साथमा निकै पुराना साथीहरु पनि फेसबुक ‘फ्रेन्ड’मा हुन्छन् । जसले गर्दा व्यक्तिका कयौं पुराना ‘गोप्य’ कुराहरु खुलासा हुने सम्भावना ज्यादा हुन्छ र ब्यतित जिन्दगीका छापहरु वर्तमानमा पर्ने सम्भावना रहन्छ ।

यसबाहेक परिवारका सदस्यहरु फेसबुक ‘लिस्ट’मा हुनाले व्यक्तिहरु अप्ठ्यारोमा पर्छन् । उनीहरुलाई लाग्छ कि परिवारका सदस्यहरुले उनीहरुमा निगरानी गरिरहेका छन्, जसले समेत तनाब बढाउने काम गरेको छ ।

बेलायतमा फेसबुकका ३ सय व्यक्तिहरुमा गरेको अध्ययनबाट यो रिपोर्ट तयार पारिएको हो । जसमा औसत २१ वर्षका व्यक्तिहरु सामेल भएको जनाइएको छ ।

Read More

Binita Baral Photos

 

Nepali actress Binita Baral's Photos … sources : from the internet

Read More