आज विवाह पञ्चमी महोत्सव मनाइदै

जनकपुरधाम,पुष २ । आज मार्ग शुक्ल पक्षको पञ्चमी तिथि राम र सीताको स्वयंम्वर भएको विश्वासमा विवाह पञ्चमी महोत्सव मनाइदैछ । विवाह पञ्चमी महोत्सव अन्तर्गत आज दिउँसो १ बजेपछि जनकपुरको रंगभुमि मैदान बाह्र विगाहामा दुलही पक्ष जानकी मंदिरका महन्थ रामतपेश्वर दास बैष्णवले माता सीताको डोलासहित बाह्र बिगाह आउने कार्यक्रम छ । यस्तै दुलाहा पक्ष अयोध्याबाट राममन्दिरका महन्थ भगवान रामलाई डोलामा राखि स्यम्बरका लागि आउने कार्यक्रम छ । विवाहसमारोहपछि संयुक्त रुपमा शोभा यात्राका साथ जनकपुरको नगरपरिक्रममा गर्दै जानकी मन्दिरमा पुग्ने कार्यक्रम छ । पहिले महोत्सव तिरहुतियागाछीमा मनाइन्थ्यो भने एक दशकदेखि रङ्गभूमिमा विशेष कार्यक्रम सहित मनाउने गरिएको छ । यता राम र जानकी मन्दिरलाई आकर्षक रुपमा सजाइएको छ । स्थानिय धनुष सागर र गंगासागरमा स्नान गरी रामसीताको पूजाअर्चना गर्न र विवाह महोत्सव हेर्नका लागि नेपाल, भारत तथा अरु विभिन्न देशहरुबाट आएका दर्शनार्थीको घँइचो लागेको छ ।

Read More

छठ पर्वको तयारी शुरु

दीपावली पर्वको समापनसँगै छठ पर्व हर्षोल्लासका साथ मनाउन विराटनगरमा तयारी सुरु भएको छ ।

मङ्सिर ३ र ४ गते मनाइने छठ पर्व–२०६९ का लागि पोखरी, नदी तथा नहरको धारमा सरसफाइ, रङ्गरोगन, स्वागतद्वार बनाउने, रङ्गीविरङ्गी विद्युत् वल्ब लगाउने, ढाट बनाउनेजस्ता कार्यहरू आजबाट सुरु भएको छ ।

यसका लागि मोरङको विराटनगरलगायत अन्य सहरी एवम् ग्रामीण क्षेत्रमा पूजा समिति निर्माण गरी सामूहिकरुपमा छठ पर्व मनाउने कार्य सुरु भएको पाइएको छ ।

यसै सन्दर्भमा विराटगरको सिङ्घीया खोलामा छठ पूजा समारोह समिति गठन गरी भव्य तयारी भइरहेको समितिका महासचिव एवम् पत्रकार दिनेश साहले जानकारी दिएको राससले उल्लेख गरेको छ ।

सो खोलामा विभिन्न सङ्घसंस्थाले करिब रु दुई लाखको लागतमा २१ वटा स्वागतद्वार, छठ पूजा स्थानमा खानेपानी व्यवस्था, सूचना घर, एम्बुलेन्स तथा आकस्मिक उपचार सेवाको समेत व्यवस्था भइरहेको उहाँले बताउनुभयो ।

त्यहाँ आयोजना हुने पूजामा करिब एक लाखको सहभागिता रहने अनुमान गरिएको छ । सो स्थानमा विगत लामो समयदेखि छठ पूजा समिति गठन गरी छठ पूजा मनाइने गरिएको छ ।

विराटनगर–१५ र ७ को केसलिया खोला र रानी, कटहरी, रङ्गेली, नयाँ बजारलगायतका क्षेत्रमा रहेको खोला, नदी तथा पोखरीलगायत जलाशयमा छठ पूजा गर्ने गरिएको छ ।

हाल विराटनगर बजारमा छठ पर्वको लागि आवश्यक लत्ताकपडा, माटोको भाँडा, तथा दियो, केरा, केराउलगायतका पूजन सामग्री खरिद बिक्री भइरहेको छ ।

यस पर्वमा अस्ताउँदो सूर्य तथा उदाउँदो सूर्यलाई विभिन्न पूजन सामग्रीबाट जलमा अर्घ दिई उभिएर पूजा गरिन्छ ।

 दुई दिन मनाइने भएकाले छठको घाटमा रातभरि विभिन्न धार्मिक भजनकीर्तिन तथा सांस्कृतिक कार्यक्रम पनि गरिन्छ ।

Read More