काठमाडौं, फाल्गुन ३० । एसएलसी परीक्षालाई लक्षित
गरी नेपाल विद्युत प्राधिकरणले दुई घन्टा लोडसेडिङ घटाएको छ ।
नयाँ
तालिका अनुसार अब दैनिक ९ घण्टा विजुली आपुर्ती बन्द हुनेछ । यसअघि दैनिक ११ घण्टा
लोडसेडिङ हुँदै आएको थियो ।
एसएलसी
परीक्षा आगामी चैत ५ गतेदेखि सुरू हुने भएकोले प्राधिकरणले यसको
तीन दिन अघिदेखि लोडसेडिङ घटाउन लागेको हो ।
नयाँ
तालिका अनुसार आगामी चैत २ गतेदेखि लोडसेडिङ घट्ने विद्युत प्राधिकरणले जनाएको छ । प्राधिकरणका
अनुसार विद्युत चुहावट नियन्त्रणमा
केही सुधार आएसँगै मध्यमस्ङ्दी लगायतका विद्युत आयोजनामा गरिएको सुधार र जलाशययुक्त कुलेखानी
जलविद्युत आयोजना सञ्चालन गरेर
लोडसेडिङ घटाउन लागिएको हो । देशभर
अहिले विद्युतको उच्च माग एक हजार दुई सय मेगावाट र आपूर्ति पाँच सय ६५ मेगावाट
मात्रै छ । पिक
आवरमा छ सय ५० मेगावाट बराबरको अपुग बिजुलीका लागि प्राधिकरणले लोडसेडिङ गर्दै
आएको छ ।
