एसएलसीको पूरक परीक्षाको परीक्षाफल यसै महिना

     परीक्षा नियन्त्रण कार्यालय सानोठिमीले गत साउन १७ गते देखि २४ गते सम्म संचालन गरेको प्रवेशिका अर्थात एसएलसी पूरक परीक्षाको नतिजा यहि भाद्र महिनाको अन्तिम सातासम्म प्रकाशित गर्ने भएको छ । मुलुकभरबाट एकलाख २४ हजार परीक्षार्थी सहभागी उक्त परीक्षाको परीक्षाफल भदौको अन्तिम सातासम्ममा प्रकाशित गर्ने तयारीमा कार्यालय रहेको कार्यालयका उपनियन्त्रक अम्बिकाप्रसाद रेग्मीले बताउनुभयो । कार्यालयले गत चैत्त ७ गते देखि १६ गते सम्म संचालन गरेको एसएलसी परीक्षामा बढीमा दुई विषयसम्म अनुत्तीर्ण हुने परीक्षार्थीकालागि मौका परीक्षाका रुपमा पूरक परीक्षा संचालन गरेको हो । परीक्षामा सबभन्दा बढी गणित विषयमा, त्यसपछि अंग्रेजी र विज्ञान विषयमा परीक्षा दिने परीक्षार्थी रहेका छन् ।

Source: Mybhaktapur.com